Текст
21.03.2026
Бүгін жоспарға сәйкес, Наурыз мерекесі қарсаңында мектебімізде оқушылардың қатысуымен ерекше іс-шара ұйымдастырылды. Іс-шара барысында оқушылар өз қолдарынан түрлі бұйымдар жасап, қазақы қолөнердің әсем үлгілерін көпшілікке көрсетті.
Атап айтқанда, оқушылар ағаштан ойып бұйымдар жасап, әртүрлі ою-өрнектермен безендірді. Сонымен қатар, кесте тігу өнерін де паш етіп, әсем бұйымдар дайындады. Шығармашылық қабілеттерін танытқан оқушылар пластмасса бөтелкелерден де әдемі шайнектер жасап, оларды көрмеге ұсынды.
Бұл іс-шараның басты мақсаты – оқушыларға ұлттық құндылықтарды дәріптеу, қазақ халқының қолөнерін насихаттау және олардың шығармашылық қабілеттерін дамыту болды. Оқушылар өз өнерлерін ортаға салып, белсенділік танытты.
